Back Kodpunkt BAR Punt de codi Catalan Kódový bod Czech Codepoint German Code point English Signonumero Esperanto Punto de código Spanish موقعیت کد Persian Point de code French 符号点 Japanese
As Codepoint wird im Zsämmehang mit Zäichesätz (z. B. ASCII oder Unicode) dr Zaalewärt vom ene Zäiche im Koodruum (änglisch „code space“) bezäichnet. In Zäichesätz wärde abstrakti Zäiche (änglisch „abstract characters“) mit Codepoints verbunde. Dere Verbindig säit mä kodierts Zäiche (änglisch „encoded character“).
E Codepoint wird im Allgemäine dur e (positiive) Integer (e ganzi Zaal) representiert. Dr Koodruum isch d Mängi vo alle Integer, wo e gültigs Zäiche vom Zäichesatz beschriibe – in mängge Zäichesätz git s Zaalewärt (Bitfolge), won ene käi Zäiche entspricht und wo dorum „ungültig“ si.
Dr Koodruum vom ASCII-Zäichesatz umfasst dezimaal 0–127 (hexadezimaal: 0–7F), dr Koodruum vom Unicode-Zäichesatz dezimaal 0–1114111 (hexadezimaal: 0–10FFFF). S Zäiche A (s groosse A im latiinische Alfabeet) het in bäide Zäichesätz dr Codepoint dezimaal 65 (hexadezimaal: 41).